|
Laetus Hyperboream volet hic concentus ad aulam
Et circum populis nuntia grata ferat:
Romuleo juvenis fulget Bathorius ostro,
Jam Vaticanae pars numeranda togae.
Auctus honos illi, sed quem virtute tueri
Regalisque domus nobilitate potest.
O patruo pariterque nepote Polonia felix!
Saecula longa tibi servet utrumque Deus!
Alter Sarmatiae invictis decus asserit armis,
Alter sublimi religione nitet.
Quam merito regni Stephanus gerit aurea sceptra,
Purpurea Andream tam bene palla decet.
| Latin Magyarázatos nyersfordítás Midi Fandante |